O gardameta do Eume Deportivo, Ángel Villar, foi un dos principais protagonistas do ascenso.
Ao longo da tempada, Ángel, respaldado sempre pola solidez defensiva do equipo, mostrouse moi seguro defendendo a portería do conxunto eumés con paradas das que che dan puntos, pero é na fase de ascenso onde a súa figura reluciu aínda máis ao encaixar tan só un tanto nas semifinais contra o Negreira. Nin o Atlético Escairón, en cuartos, nin o Lalín a dobre partido, puideron anotar un gol durante os noventa minutos e a prórroga. Ángel mesmo chegou a deter dous penaltis na quenda ante o Negreira e con varias paradas nos que exhibía o seu estilo e reflexos, sendo probablemente ante o Lalín, na prórroga, a máis importante ao sacar unha man no último momento cunha gran estirada.
