VIII TROFEO CIDADE DE NARÓN: Fútbol sala no pavillón da Gándara

A alcaldesa da cidade, Marián Ferreiro, e o edil de Deportes, José Oreona, presentaron esta mañá no Concello a oitava edición do Trofeo Cidade de Narón de fútbol sala, acompañados polo secretario do Club Cidade de Narón, Roberto Ortega.

A cita deportiva entre o Cidade de Narón FS e o Parrulo FS tal e como avanzou a rexedora local, terá lugar o vindeiro 9 de setembro, ás 21:00 horas, no complexo polideportivo municipal da Gándara.

O representante do club local agradeceu a colaboración do Concello neste evento deportivo e asegurou que “na comarca creo que non hai un partido máis atractivo que este de fútbol sala”. Así mesmo, Ortega agradeceu a participación do Parrulo FS “porque para nosoutros é un aliciente moi grande poder xogar con eles e comezar deste xeito a tempada”. Dende o Cidade de Narón recordaron ademais que as persoas interesadas en inscribirse nas súas escolas deportivas, con todas as categorías, dende biberóns ata xuvenís, poden informarse a través do correo: futsal@cidadenaron.eu.

Pola súa banda, Ferreiro destacou o traballo que realiza o Cidade de Narón ao longo de cada tempada e animou ás veciñas e veciños a acudir a esta cita deportiva, con entrada de balde. “Sodes un dos clubs deportivos de referencia da nosa cidade e esperamos que así siga sendo durante moitos anos e que continuedes traballando e acadando numerosos éxitos na tempada que está a piques de comezar”, asegurou a alcaldesa.

Información e fotos: Concello de Narón

Compartir:

Share on facebook
Facebook
Share on twitter
Twitter
Share on pinterest
Pinterest
Share on linkedin
LinkedIn

Novas relacionadas

BILLARDA: 8ª xornada

A oitava xornada da Conferencia Noroeste de Billarda celebrouse no campo de fútbol municipal do Pastoriza SCD. CATEGORÍA INFANTIL: 1º Kevin (APB – A Laracha).