No fragor da pista e co latexo firme da ambición, Álvaro Trigo Calvo (A Coruña, 2006) irrompe na súa primeira tempada co Escola Lubiáns como un vendaval de talento e entrega.
Forxado na Compañía de María, onde xa saboreou a esixencia da categoría Prata, chega cunha fame competitiva que non entende de adaptacións, facendo do equipo carballés o seu fogar dende o primeiro día. Cun palmarés no que foi subcampión de España júnior, combina olfacto goleador cun traballo incansable, erguéndose como unha peza chamada a deixar pegada e con cada carreira súa sobre o parqué soa xa a promesa de xesta.
Que foi o que máis te atraeu do proxecto do club?
O que máis me atraeu do proxecto foi a seriedade e a confianza que me mostraron desde o primeiro momento, por iso sentín que era o lugar adecuado para seguir progresando.
Que destacarías do grupo humano que conforma o Lubiáns?
Destacaría o moi bo ambiente que hai, tanto dentro como fóra da pista, e a unión que temos.
Cres que subiu a competitividade da liga respecto a outros anos?
Si, creo que a liga tivo un aumento de nivel respecto a outros anos na que cada partido é esixente e non hai ningún rival fácil, o que fai que sexa unha liga moito máis competitiva.
Foto: fotoschimpi
