A SD O Val, Cedeira SD, CD Narón, Cultural Maniños, Valdoviño SD e CCRD Perlío afrontarán esta fin de semana o inicio da tempada 2023/24 en Primeira Galicia.
Formarán parte do grupo un xunto a outros doce equipos e no que o primeiro clasificado logrará o ascenso directo, os segundos e terceiros do grupo un e dous enfrontaranse entre eles para o ascenso, mentres que os tres últimos clasificados descenderán a Segunda Galicia.
A SD O Val de Xaqui e o Cedeira SD de David Pérez parten co papel de favoritos para pelexar polo ascenso tras a excelente campaña pasada. Os valexos reforzáronse coas incorporacións de Marcos Rodríguez, Juan Muiños, Quillo, Yago Pérez e Álex Fernández, e mediranse precisamente na primeira xornada ligueira ante o Cedeira no Sinde, que presenta como caras novas a Rafael Florin, Raúl Tallón e Bruno Yáñez.
O Cultural Maniños de Adrián Martínez quere volver ser un dos equipos punteiros que pelexen polo ascenso e para iso presentou un amplo persoal ao que incorporaron as fichaxes de Adri Santalla, Aitor Díaz, Javi Martínez, Christian Rodríguez e Hugo Cociña. Esta fin de semana recibirán no Pote ao Sporting Cambre.
O CD Narón de Jandro Paadín sufriu a baixa do seu máximo goleador, Kevin Stiven, pero as chegadas de Kevin Bellas, Quique, Cristhian, Martín, Álex Díaz, Diegui, Bertito, Villalobos e Caamaño convértenlles nun equipo que dará moitas sorpresas. Comezará a tempada fóra de casa ante o Xuventude de Crendes.
A SD Valdoviño de Carlos Teijeiro quere evitar pasar os apuros da pasada campaña e para iso reforzáronse con numerosas fichaxes como Alexandre Varela, Noel, Iván, Sachocos, Monty, Nacho, Paulo, Padín, Pablo Barran e Couce. Na primeira xornada o Valdoviño xogará a domicilio co Club do Mar de Caión.
O recentemente ascendido CCRD Perlío dirixido por Mario García terá como obxectivo a permanencia e deberá facelo sen o seu máximo artilleiro Iván San Emeterio. O club mostrouse forte na pretemporada a pesar de caer na Supercopa ante o Victoria por 4-3. O conxunto fenés incorporou no seu persoal a Marcos Varela, Jaime Leira, Óscar, Germán, Choche e Gonzalo, e recibirá na primeira xornada nos Pinares ao Relámpago SD.
GRUPO 1
SDC Órdenes, Olímpico CF, SD O Val, Cedeira SD, UD Carral, Club do Mar de Caión, Orillamar SD, Cultural Maniños, CD Narón, Boimorto CF, Ural Español CF, SD Valdoviño, Laracha CF, Xuventude de Crendes CF, Relámpago SD, Sporting Cambre, CCRD Perlío e Sporting Meicende.
PRIMEIRA XORNADA
SD O Val vs Cedeira SD · 12:00 · Sinde A
Club do Mar de Caión vs SD Valdoviño · 16:00 · Municipal da Laracha
Cultural Maniños vs Sporting Cambre · 17:00 · O Pote
CCRD Perlío vs Relámpago SD · 17:30 · Os Pinares
Xuventude de Crendes CF vs CD Narón · 19:00 · O Monte
