A pasada fin de semana celebrouse a 11ª xornada de billarda no campo de fútbol das Encrobas en Cerceda.
A pesar de ser un día nubrado, a choiva deu tregua e púidose disputar ao aire libre baixo un céspede en perfecto estado para gozar plenamente da billarda. Deste modo, os resultados da 11ª xornada foron os seguintes:
CATEGORÍA ABSOLUTA: O primeiro posto foi para Xan Rodiño, da Lúa de Forza de Sanxenxo, seguido por Viqueira, de Cochiqueiros de Cerceda e Gándara, do Filloas de Sangue da Coruña.
CATEGORÍA FEMININA: A campioa da xornada foi Delia, de Chaínzos-Cadaval de Castro de Rei, con Raquel, de Cochiqueiros, na segunda posición e Mercedes, do Campo da Feira de Paiosaco, na terceira praza.
CATEGORÍA INFANTIL: Abel, do Campo da Feira, foi o vencedor, mentres que Kevin, da APB A Laracha, quedou segundo e Valentín, do Filloas de Sangue, terceiro.
CATEGORÍA POR EQUIPOS: A primeira praza foi para Campo da Feira, a segunda posición para Lúa de Forza e o terceiro posto para Cochiqueiros.
Fotos: billarda.gal
