A PC Baikers Do Vilán e representantes do Concello de Camariñas ultimaron as 3 horas BTT Roteiro da Caramiña, do día 6 de febreiro.
O PC Baikers Do Vilán e o Concello de Camariñas ultimaron os preparativos das 3 horas BTT Roteiro da Caramiña, que será o 6 de febreiro. Alí estiveron Fabián Canosa, concelleiro de Deportes, e Moncho Canosa, técnico de deportes, polo Concello, e Juan Ramón Martínez, presidente; Pedro Romar, secretario, e Marcos Martínez, tesoureiro, por parte dos Baikers. A proba será a terceira das cinco que forman o circuíto Galego de Resistencia BTT. O número máximo de participantes será de 300 e desenvolverase nun circuíto de 6,4 quilómetros. A empresa Gadis colabora coa organización.
