CAMPUS DE BALONCESTO DA LARACHA: 12ª edición

Ata 75 rapaces participan de idades comprendidas entre os 5 e os 15 anos participan nesta semana na 12ª edición do Campus de Baloncesto da Laracha, actividade que está incluída no programa municipal de verán.

A duodécima edición do campus de baloncesto que organiza o Concello da Laracha estase a desenvolver nesta semana nas instalacións do pavillón polideportivo municipal da Laracha. O programa consta de cinco xornadas, desde onte pasado luns e ata o venres, que se están a levar a cabo en horario de 10:30 a 13:30 horas.

A actividade, incluída no programa municipal de verán, vai dirixida a nenos de entre cinco e quince anos de idade, contándose coa participación diaria de 75 rapaces. Hoxe recibiron a visita do alcalde, José Manuel López Varela, e da concelleira de deportes, Patricia Bello.

O obxectivo deste campus é fomentar a práctica do baloncesto e tamén iniciar nesta modalidade deportiva aos nenos que non tiveron contacto con ela, xa que non foi necesario ter coñecementos previos para poder inscribirse. Os rapaces teñen a ocasión de aprender aspectos técnicos, tácticos e tamén cuestións relativas ao regulamento do baloncesto.

Info e foto: Concello da Laracha

Compartir:

Share on facebook
Facebook
Share on twitter
Twitter
Share on pinterest
Pinterest
Share on linkedin
LinkedIn

Novas relacionadas

BILLARDA: 8ª xornada

A oitava xornada da Conferencia Noroeste de Billarda celebrouse no campo de fútbol municipal do Pastoriza SCD. CATEGORÍA INFANTIL: 1º Kevin (APB – A Laracha).