O combinado español conquistou no pavillón da Malata o V Trofeo Cidade de Ferrol tras superar a Hungría por 5-1 grazas ao dobrete de Adolfo e os tantos de Catela, Mellado e Antonio.
O encontro estivo precedido polas homenaxes aos ex-xogadores internacionais Pola e Adri, que recibiron os diferentes galardóns por parte de Rafael Louzán, presidente da Real Federación Galega de Fútbol, José Manuel Rey Varela, alcalde de Ferrol, Julio Martínez, presidente de O Parrulo, José Miguel Monje, presidente do Comité Nacional de Fútbol sala, e Diego Calvo, vicepresidente e conselleiro da Presidencia, Xustiza e Deportes da Xunta de Galicia. Ambos os xogadores recibiron unha sonora ovación dun pavillón da Malata completamente abarrotado.
O combinado español dirixido por Federico Vidal saíu co quinteto conformado por Jesús Herrero, Tomaz, Adolfo, Sergio Lozano e Mellado, mentres que a selección húngara que adestra Sergio Mullor saíu con Alasztics, Hadházi, Vatamaniuc-Bartha, Dróth e Szabó.
Desde o asubío inicial, España fíxose dono do encontro levando a iniciativa e asediando a portería defendida por Alasztics, ao que probaron en varias ocasións con disparos de longa e media distancia. O combinado nacional atoparía o premio aos 9 minutos de xogo nun saque de falta de Antonio, que amaga co disparo e deixou en curto para que Catela rematase sutilmente por raso ao pau afastado defendido polo gardameta húngaro.
España tivo os segundo minutos despois tras unha recuperación de Mellado en media pista, abriu ben á súa dereita para Raúl Gómez, pero o seu disparo cruzado non logrou ver portería. Na seguinte xogada, de novo con Mellado como protagonista, os locais sumarían o segundo tanto tras roubar o balón e bater no man a man a Alasztics.
Os de Sergio Mullor buscaron recortar distancias índose arriba a dificultar a saída do xogo español, pero os locais conseguían impoñerse e saír da presión con clase. A mellor oportunidade dos húngaros chegou desde unha xogada a balón parado, que tras superar por raso a Didac, non atopou rematador no segundo pau.
Co resultado de 2-0 transcorreron os vinte minutos e os dous conxuntos marcháronse aos vestiarios para tomar un respiro e que os adestradores puidesen dar as instrucións oportunas para a segunda parte do trepidante encontro que estabamos a vivir. Durante o tempo de descanso a Escola Amei Danza e UPA ofreceron un gran espectáculo de baile para todos os presentes.
A segunda parte iniciou da mesma maneira que a primeira, coa selección española atacando sen descanso en busca do gol. Este non se faría derogar e chegaría aos tres minutos nun jugadón de Sergio Lozano, que se marchou da súa marca cun gran detalle técnico, regateou o segundo rival e deixou un pase da morte para que Adolfo fixese a pracer o terceiro da noite.
A pesar da cómoda vantaxe no marcador, España quería máis e non baixaba o ritmo, pero nunha gran xogada colectiva ao primeiro toque, Hungría conseguiría recortar a distancia finalizando o contraataque Fekete para poñer o 3-1. ante o que nada puido facer Chemi.
O partido estaba moi entretido cos dous conxuntos ofrecendo un bo ritmo e Antonio tivo preto o cuarto nunha xogada individual, regateando a Alasztics e chegando ata a liña de fondo tendo que rematar case sen ángulo, pero paseando o balón pola liña de gol sen que chegase ninguén para culminar a faena. Minutos despois Mellado internouse pola dereita, pero Tomaz non logrou conectar co balón para facer o cuarto. O que non ía fallar sería Antonio a falta de catro minutos para terminar o encontro, enganchando un balón na frontal e fusilando de primeiras a portería húngara.
Cando parecía que o partido finalizaría co 4-1, Adolfo inventouse un remate que puxo o quinto na mismísima escuadra e co que selou o seu dobrete persoal. Co 5-1 no luminoso, o partido chegaría ao seu fin tras vivir o pavillón da Malata un bonito encontro protagonizado por ambas as escuadras e saíndo vencedor o cadro español dirixido por Federico Vidal.
ESPAÑA: Jesús Herrero, Tomaz, Adolfo, Sergio Lozano e Mellado; tamén xogaron Antonio, Catela, Bovis, Raúl Gómez, Cortés, César, Chemi, Dídac e Mínguez.
HUNGRÍA: Alasztics, Hadházi, Vatamaniuc-Bartha, Dróth e Szabó; tamén xogaron Fekete, Da Silva, Lipl, Szentes – Biró, Rábl, Pál, Rutai e Nagy.
GOLES: 1-0 Catela (9′), 2-0 Mellado (13′), 3-0 Adolfo (23′), 3-1 Fekete (27′), 4-1 Antonio (36′) e 5-1 Adolfo (39′).
ÁRBITROS: Javier Menéndez Nistal, Hector Vilas López, Roberto Amor Vizoso e Patricia Doval Rodríguez. Amoestaron ao local Sergio Lozano e ao visitante Rutai.
INCIDENCIAS: Partido do V Trofeo Cidade de Ferrol celebrado no pavillón de A Malata entre o combinado español e húngaro.
