Hugo López Pereira, da Agrupación Deportiva Judo Ferrolterra, realizou un gran Campionato de Europa Cadete o pasado luns en Gran Canaria.
O deportista naronés disputou o seu primeiro Campionato de Europa, representando a España na categoría de -50 kg. No campionato disputado no Gran Canaria Arena, Hugo López realizou unha gran competición, quedando a un combate das medallas. Gañou no seu primeiro encontro ao lituano Dobrovolskis e, na segunda rolda, impúxose ao francés Lahrifi, meténdose nos cuartos de final ante o neerlandés Heimans, cedendo nun intenso combate e pasando á repesca, onde se enfrontou ao italiano Ismael Mehabra, á postre medalla de bronce.
Gran competición de Hugo López, que no seu primeiro ano na categoría cadete consegue participar nun Campionato de Europa, rematando finalmente na novena posición.
Info e foto: AD Judo Ferrolterra
