Ata 32 equipos en 9 comarcas das áreas de Ferrolterra e A Costa compiten na Segunda Futgal 2024-2025.
GRUPO A COSTA – 4ª XORNADA
O Camariñas FC lidera a clasificación con 10 puntos, Soneira SD e UD Monte Louro con 9 puntos ocupan o segundo e terceiro posto respectivamente.
Os camariñáns mantéñense invictos con tres vitorias e un empate. O seu goleador Diame DjIbril fixo triplete na última xornada e xa lidera a táboa de pichichis xunto a Alberto Álvarez do Soneira SD con 5 goles. Os soneiráns, agora segundos, na xornada 4 caían no seu campo, o Municipal de Vimianzo, ante o UD Monte Louro (0-1) e perdían o liderado a favor do Camariñas FC.
Na parte baixa da clasificación, a situación está igualada. O Cabana SD, UC Cee e Outes FC, por este orde, só sumaron 3 puntos, mentres que a SD Corcubión é pechacancelas e suma 1 punto.
As 6 comarcas cos 16 equipos da Segunda Futgal no G2 -A Costa están distribuídas así:
Comarca de Bergantiños: 4 equipos (SD Coristanco, CF Corme, Puenteceso SD e Cabana SD).
Comarca de Soneira: 4 equipos (Soneira SD, CD Baio, Camariñas FC e CF Porteño).
Comarca de Fisterra: 2 equipos (UC Cee e SD Corcubión).
Comarca de Muros: 3 equipos (CD Muros, UD Monte Louro e Lira CF).
Comarca do Xallas: 2 equipos (Xallas FC e CF Mazaricos).
Comarca de Noia: 1 equipo (Outes FC).
GRUPO FERROL – 4ª XORNADA
Na área de Ferrolterra, a UD Cebarca lidera a clasificación xunto ao CF San Sadurniño, colíder con 12 puntos. O CF Meirás e SD Barallobre son terceiro e cuarto clasificados con 10 puntos.
Destacar que na xornada 4 os cuatro primeiros clasificados, UD Cebarca, CF San Sadurniño, CF Meirás e SD Barallobre lograban a vitoria a domicilio e mantéñense invictos.
Por outra banda, na zona baixa da táboa, os equipos que aínda non conseguiron puntuar son o Rápido de Neda, o ADC Moeche, e o Narón O Freixo, que ocupan as tres ultimas posicións con 4 derrotas.
As 3 comarcas cos 16 equipos da Segunda Futgal no grupo Ferrol están distribuídas así:
Comarca de Ferrol: 11 equipos ( CF San Sadurniño, SD Barallobre, Meirás CF, UDC Narahío, Galicia de Mugardos B, CD Narón, CD Estrella A Solaina, SD Rápido de Neda, SDCR Narón O Freixo, ADC Moeche e CD Rosalía).
Comarca de Eume: 3 equipos (FC Monfero, ADC A Capela e Xuventude Cabanas).
Comarca de Ortegal: 2 equipos (UD Cebarca e CD Cariño).
