Equipos como A Coruña Pickleball, Pickleball Pontevedra ou o Mercantil de Vigo alzáronse con varios metais nalgunhas das categorías disputadas.
Os ferroláns fan valer o feito de contar cunha das máis destacadas instalacións deste emerxente deporte na Gándara.
A pasada fin de semana tivo lugar nas instalacións de Fexdega, en Vilagarcía de Arousa, o II Campionato de Galicia de Pickleball, organizado pola Federación Galega de Tenis. Durante dúas intensas xornadas de competición, os mellores xogadores da Comunidade déronse cita para disputar as categorías absolutas (individual e dobres masculino, feminino e mixto) o sábado, e as categorías +50 e sub14 o domingo.
Unha vez máis, o Pickleball Club Ferrol, con sede nas instalacións de PicklePoint, demostrou por que Ferrol é hoxe o epicentro galego do pickleball. Os resultados, con 6 ouros, 7 pratas e 4 bronces, avalan o gran nivel dos seus xogadores e o traballo continuado que vén realizando desde o club para fomentar este deporte emerxente.
O pickleball, unha disciplina que mestura elementos do tenis, o bádminton e o ping-pong, consolidouse como o deporte con maior crecemento a nivel mundial, grazas á súa accesibilidade, dinamismo e carácter inclusivo. Neste contexto, PicklePoint destaca como instalación pioneira en España ao contar con pistas profesionais especialmente deseñadas para a práctica do pickleball, o que a converte nun referente non só en Galicia, senón en todo o país.
O club ferrolán, que apostou por unha formación de calidade e a organización regular de actividades e competicións, soubo canalizar esta revolución deportiva cara a unha canteira sólida e unha comunidade cada vez máis ampla. Nun panorama no que o pickleball afiánzase como deporte de masas, Ferrol sitúase á vangarda.
Desde o Pickleball Club Ferrol e PicklePoint seguirase impulsando este deporte coa mirada posta no crecemento nacional e a consolidación de Galicia como territorio de referencia.
MEDALLEIRO ABSOLUTO
Dobres Absoluto Masculino:
OURO: Juan Pablo Tarazona e Diego Tarazona (Pickleball Club Ferrol – PicklePoint)
PRATA: Santi Otero e Rubén García (Pickleball Club Ferrol – PicklePoint)
BRONCE: Asís Garrido e Asís Garrido Jr. (Pickleball Club Ferrol – PicklePoint)
Dobres Absoluto Feminino:
OURO: Iria Sampedro e Rafaela Sestelo (Mercantil Vigo)
PRATA: Noelia Lorenzo e Sabela Uriz (Pickleball Club Ferrol – PicklePoint)
BRONCE: Tamara Pereiro e Irene Lin (Pickleball Pontevedra)
Dobres Absoluto Mixto:
OURO: Sabela Uriz e Asís Garrido Jr. (Pickleball Club Ferrol – PicklePoint)
PRATA: Tamara Pereiro e Manuel Expósito (Pickleball Pontevedra)
BRONCE: Carolina Martínez e Asís Garrido (Pickleball Club Ferrol – PicklePoint)
Individual Absoluto Masculino:
OURO: Juan Pablo Tarazona (Pickleball Club Ferrol – PicklePoint)
PRATA: Rubén García (Pickleball Club Ferrol – PicklePoint)
BRONCE: Francisco Yáñez (Mercantil Vigo)
Individual Absoluto Feminino:
OURO: Iria Sampedro (Mercantil Vigo)
PRATA: Sabela Uriz (Activa 3)
BRONCE: Carolina Martínez (Pickleball Club Ferrol – PicklePoint)
MEDALLEIRO +50
Individual +50 Masculino:
OURO: Ignacio Garrido (Mercantil Vigo)
PRATA: Francisco Yáñez (Mercantil Vigo)
BRONCE: Enrique Álvarez
Individual +50 Feminino:
OURO: Marina Asensio (Pickleball Club Ferrol – PicklePoint)
PRATA: Gabriela Ochoa (Pickleball Club Ferrol – PicklePoint)
BRONCE: Adriana González
Dobres +50 Masculino:
OURO: Ignacio Garrido e Emilio Carballés (Mercantil Vigo) y (D10 – Lugo)
PRATA: Ricardo González e Isidro Rodriguez (CCD Sanxenxo)
BRONCE: Lois Silva e Manuel Iglesias (Pickoleiros)
Dobres +50 Mixto:
OURO: Ignacio Garrido e Begoña Pereira (Mercantil Vigo)
PRATA: Juan Carlos Tarazona e Gabriela Ochoa (Pickleball Club Ferrol – PicklePoint)
BRONCE: José Mosquera e Susana Marcos
MEDALLEIRO SUB 14
Dobres Sub14 Unisex:
OURO: Lucas Faraldo e Asís Garrido Jr. (Pickleball Club Ferrol – PicklePoint)
PRATA: Jesús Varela e Mateo García (Pickleball Club Ferrol – PicklePoint)
BRONCE: Rodrigo Álvarez e Alberto Varela
Individual Sub14 Unisex:
OURO: Asís Garrido Jr. (Pickleball Club Ferrol – PicklePoint)
PRATA: Jesús Varela (Pickleball Club Ferrol – PicklePoint)
BRONCE: Martín Alcalá (Pickleball Club Ferrol – PicklePoint)
Info e fotos: Pickle Point
