PRIMEIRA PROBA CIRCUÍTO SOLIDARIO PEÑA GLU-GLU: O Club de Golf Campomar celebrou o torneo dedicado a Adaceco

O bo tempo acompañou, a pesar dalgunha nube e vento que fixeron acto de presenza, durante as xornadas nas que participaron 66 xogadores. Ademais, os participantes do evento podían degustar petiscos e tomar un breve descanso na carpa de Adaceco.

O campión Scracth foi Juan Arturo Iglesias Vázquez, quedando en segunda posición Fernando Bouza Crego e en terceiro lugar Francisco Pita-Romero Caamaño.

En primeira categoría o propio Francisco Pita-Romero Caamaño resultou o gañador, seguido de Miguel Maiz Vázquez, sendo o terceiro posto para José Manuel Piñeiro Balay.

En segunda categoría o campión foi Mario Fernández González, o segundo posto foi para Marcial Pita Seco e a terceira posición para José Manuel Dopico Dopico.

O gañador na categoría senior foi Francisco Pita-Romero Caamaño, mentres que a segunda e terceira posición foron para Miguel Maiz Vázquez e José Manuel Piñeiro Balay, respectivamente.

En canto á clasificación damas, a gañadora foi María Asunción García Gallego, en segundo lugar, María Teresa Álvarez Fuentes e no terceiro posto Teresa Abril Álvarez.

Finalmente, o mellor approach foi Manuel Villadoniga Amor.

A próxima proba do circuíto celebrarase no Montealegre Club de Golf o sábado 27 de maio.