Este xoves, no salón de actos das escolas de Ponteceso, personaxes históricos dos equipos do Ponteceso SD e Corme CF contaban as súas vivencias nos equipos para o programa «Convivir deportivo» da Radio galega.
Por parte do Ponteceso SD falaron Álvaro Dominguez, actual presidente do club, José Manuel Mato, ex-presidente, Eduardo Vidal «Barrié» directivo e os xogadores Mendieta e Recarey. Por parte do Corme CF falaron, Juan Francisco Cruz «Quico» actual presidente, Jesús Ferreiro García «Suso», ex-presidente, os directivos María Alvarez Bugallo e Jesús Figueiroa Ouréns «Suso da Torriña» e o ex-xogador Alejandro Torrado.
Na sala tamén se atopaba o alcalde de Ponteceso, Lois García e medio centenar de asistentes que acudiron ao acto. Segundo informaron os responsables da radio, a próxima cita será en Laxe o próximo día 3.
O programa será emitido en diferido os sábados ás 13:00 horas.
