TORNEO SOLIDARIO DE PÁDEL: Oitava edición

Máis de cen parellas participan no torneo solidario de pádel Concello de Carballo, que acada a súa oitava edición, e onde A recadación irá destinada á Asociación de axuda a nenos oncolóxicos de Galicia.

O torneo solidario de pádel Concello de Carballo, organizado por Miclub Pádel a beneficio de Asanog, cumpre oito anos. Ao longo deste tempo foi indo a máis en todos os sentidos, tanto en canto á participación coma en categorías ou en colaboración, e este ano agardamos bater un novo récord.

Hoxe presentamos o cartel nun acto no que participaron o presidente de Miclub, Manuel Pallas; a coordinadora da Asociación de axuda a nenos oncolóxicos de Galicia (Asanog), Jenny Rodríguez; a concelleira de Igualdade, Benestar e Sanidade, Maica Ures, e o concelleiro de Deporte, Marcos Trigo.

O éxito de participación xa é un feito. Nesta edición, que arrincará este sábado 3 e rematará o domingo 11 coas finais, están anotadas 102 parellas. Como vén sendo habitual, haberá tres categorías: masculina (1ª, 2ª, 3ª e 4ª), feminina (1ª, 2ª e 3ª) e mixta (1ª, 2ª e 3ª), pero nesta última, dada a demanda, tamén se habilitou a última hora unha categoría de iniciación. En total, indicou Manuel Pallas, disputaranse máis de 400 partidos. O xuíz árbitro será Marcos Fernández Pena. E de cara á vindeira edición xa se está traballando na inclusión dunha nova categoría: pais/nais e fillos/fillas.

Os concelleiros das dúas áreas municipais implicadas na organización do torneo reiteraron o apoio do Concello de Carballo a esta iniciativa de Miclub Pádel, e destacaron a importancia de celebrala nesta época do ano, que para moitas familias “é unha época moi difícil”.

Nese sentido, Jenny Rodríguez agradeceu a colaboración do Concello de Carballo e de Miclub apoiando os servizos que presta Asanog ás familias dos nenos e nenas oncolóxicos. “Hai programas que son prioritarios, como a profe na aula, porque para os nenos hospitalizados é unha liberación, pero a nosa idea é seguir crecendo e axudando cada vez a máis familias, porque hai bastantes familias en situación de vulnerabilidade”, manifestou.

Ademais desas 112 parellas participantes, no torneo solidario de pádel pode colaborar todo o mundo a través dunha fila cero na conta de La Caixa ES61 2100 1453 2102 0025 9900.

Info e fotos: Concello de Carballo

Compartir:

Share on facebook
Facebook
Share on twitter
Twitter
Share on pinterest
Pinterest
Share on linkedin
LinkedIn

Novas relacionadas

BILLARDA: 8ª xornada

A oitava xornada da Conferencia Noroeste de Billarda celebrouse no campo de fútbol municipal do Pastoriza SCD. CATEGORÍA INFANTIL: 1º Kevin (APB – A Laracha).