A deportista Xiana Lago Andrade (Cee, 2004), do Club Ría Ferrol, non ten teito, e así cada competición na que participa segue subindo o seu listón sen parar.
Na súa última actuación, que tivo lugar con motivo do Campionato de España Sub-20, que celebrouse o pasado día 13 do presente mes de mazo, en Antequera (Málaga), logrou o título. Para conseguir o cordón nacional indoor, Xiana lanzou o peso a 12.05 metros, de tal forma, que superou á súa directa rival en 18 centímetros nunha final que resultou de auténtico infarto.
Así, Xiana Lago, de 17 anos, segue no seu momento de explosión, debido a que chegaba despois de ser subcampioa galega en categoría absoluta, que tivo lugar o 15 de febreiro nas instalacións de Expourense, así como despois logrou a medalla de ouro no campionato galego Sub-20, tamén en pista cuberta e igualmente celebrado en Ourense. Nesta oportunidade cun lanzamento de 12,23 metros.
