XXIX TROFEO DE NATACIÓN CIDADE DE NARÓN: Participarán máis dun centenar de deportistas

A piscina do complexo Polideportivo municipal da Gándara acollerá este sábado, día 17, a vixésima novena edición do “Trofeo de Natación Cidade de Narón” e a décimo novena do “Memorial Javier Lago”.

A alcaldesa, Marián Ferreiro, e o edil de Deportes, José Oreona, presentaron o evento acompañados polo presidente e a adestradora da Agrupación Deportiva Náutico de Narón, Amando Guerrero e Arantza Rivas.

Un total de 150 nadadores pertencentes a nove clubs da comunidade participarán neste evento deportivo. Guerrero explicou que os deportistas proceden dos clubs de natación de Cedeira, Ferrol, Marín, Arteixo, Xove, Culleredo, a Agrupación Deportiva Fogar (Carballo-Oleiros) e a Agrupación Deportiva Náutico de Narón.

A competición dará comezo ás 17.30 horas, con entrada de balde, e está incluída no calendario da Federación Galega de Natación.

En canto ao “XIX Memorial Javier Lago”, dende o club local indicaron que se premiará un ano máis á mellor marca a nivel individual.

A alcaldesa e o edil de Deportes felicitaron á AD Náutico de Narón polo traballo realizado para organizar esta convocatoria e desexaron os maiores éxitos aos deportistas locais neste torneo e na presente tempada.

Info e imaxes: Concello de Narón

Compartir:

Share on facebook
Facebook
Share on twitter
Twitter
Share on pinterest
Pinterest
Share on linkedin
LinkedIn

Novas relacionadas

BILLARDA: 8ª xornada

A oitava xornada da Conferencia Noroeste de Billarda celebrouse no campo de fútbol municipal do Pastoriza SCD. CATEGORÍA INFANTIL: 1º Kevin (APB – A Laracha).