Aarón Rodríguez: “Sen dúbida, imos loitar pola Copa e polo ascenso”

Aarón Rodríguez Fraga (Ferrol, 1998) afronta a súa cuarta tempada no Xuventude Cabanas, un equipo no que continúa medrando como futbolista e no que este ano asume o rol de dianteiro.

Acostumado a ocupar a banda esquerda, onde aproveita a súa velocidade e capacidade para desbordar, agora busca trasladar esas virtudes á punta de ataque. Antes do conxunto cabanés, pasou polo Vilarmaior e no fútbol sala polo Pontedeume.

Que sentes ao defender este escudo por cuarta vez?
Levo vivindo en Cabanas desde que nacín. Hai catro anos propuxéronme unirme a este equipo e eu acababa de xogar en Terceira División Nacional co FS Pontedeume, onde descenderamos. A verdade é que o proxecto a medio e longo prazo era moi bo e non o dubidei.

Que che parece o nivel da competición este ano?
O nivel da competición este ano é moi similar ao do ano pasado, xa que practicamente seguen os mesmos equipos.

Como ves o equipo para loitar por todo?
A verdade é que vexo ao equipo moi ben este ano. Chegaron xogadores de grandísima calidade ao plantel. Aínda nos estamos coñecendo, xa que apenas levamos dous meses xuntos, pero no inicio desta copa os resultados non poden ser mellores: portería a cero nos cinco primeiros partidos e moi boas sensacións. Sen dúbida, imos loitar pola copa e polo ascenso. Vexo o equipo moi motivado e implicado para acadar os obxectivos que temos.

Fotos: sadmoody241

Compartir:

Facebook
Twitter
Pinterest
LinkedIn

Novas relacionadas