BILLARDA: 10ª xornada

O domingo 13 de marzo tivo lugar a 10ª xornada de billarda na pista polideportiva cuberta de Castro Laxe.

Nun principio, a xornada estaba planificada para xogarse en exterior, pero debido ao ceo nubrado e a ameaza constante de que a choiva fixese acto de presenza, optouse por disputala na pista polideportiva cuberta de Castro Laxe, á beira do parque de Tarreo en Vilaboa, no concello de Culleredo.

Ademais de puntuar para a liga, esta xornada tiña un engadido especial, e é que se xogaban tres prazas para participar na Supercopa de Billarda que terá lugar o próximo 26 de marzo na Coruña e que será televisada en directo pola TVG2. Ditas prazas obtivéronas Manu Pozo de Billardeiros Musicais de Ribadeo, Cotelo da APB A Laracha e Alberte de Cochiqueiros de Cerceda.

Así, os resultados que nos deparou esta 10ª xornada foron os seguintes:CATEGORÍA ABSOLUTA: O campión da xornada foi Manu Pozo de Billardeiros Musicais de Ribadeo, mentres que a segunda posición foi para Cotelo da APB A Laracha e a terceira praza ocupouna Xan Rodiño da Lúa de Forza de Sanxenxo.

CATEGORÍA FEMININA: O primeiro posto foi para Geni de Billardeiros Musicais, con Mercedes de Campo da Feira de Paiosaco na segunda posición e Silvia de Cochiqueiros de Cerceda no terceiro posto.

CATEGORÍA INFANTIL: Abel do Campo da Feira proclamouse campión da xornada, con Aroa de Billardeiros Musicais na segunda praza e Nuno de Filloas de Sangue da Coruña como terceiro clasificado.

CATEGORÍA POR EQUIPOS: O conxunto vencedor foi Billardeiros Musicais, mentres que a segunda praza foi para Campo da Feira e o terceiro posto foi APB.

Mostráronse agradecementos á Concellaría de Deportes da Coruña polos agasallos achegados para esta 10ª xornada, ao Concello de Culleredo por permitir o uso da pista polideportiva cuberta de Vilaboa e á Asociación Cultural e Recreativa de Castro Laxe por abrir o seu local social anexo á pista polideportiva con servizo de bar e aseos.

A próxima xornada disputarase o domingo 10 de abril en Cerceda.

Compartir:

Facebook
Twitter
Pinterest
LinkedIn

Novas relacionadas

Irene Díaz: tempada de dez

Se definísemos a Irene Díaz como futbolista, fariamos mención ao seu dorsal, de dez. Así é a tempada da xogadora do Discalzas SD, asinando nesta