A penúltima xornada da Conferencia Noroeste de Billarda(2021-2022) celebrouse no campo Ponte do Sal, da parroquia de Soandres do Concello da Laracha.
Os participantes estanse a xogar a clasificación para as finais, polo que foi unha xornada moi competitiva. Algún palanador chegou tarde porque viña de correr o 10K de Carballo.
EQUIPOS: Venceu Campo da Feira de Paiosaco, con APB A Laracha na segunda posición e Cochiqueiros de Cerceda terceiros.
ABSOLUTA: O vencedor foi Abel Ponte do Campo da Feira, mentres que Alberto Riveiro da APB quedou segundo e Xosé Collazo, tamén do Campo da Feira, terceiro.
FEMININA: Merche da APB, Marisa da Lúa de Forza de Sanxenxo e Raquel de Cochiqueiros, empataron a 6 puntos.
INFANTIL: Aleixo de Cochiqueiros foi o campión, con Roy e Kevin, ambos os dous da APB, segundo e terceiro respectivamente.
