A última xornada da Liga Atlántica de Billarda na Conferencia Noroeste disputouse no polideportivo cuberto de Xermaña – Caión (A Laracha).
Esta fin de semana será a final na Porta Santa de Paiosaco para elixir ao campión da billarda nas respectivas categorías absoluta, feminina, infantil e por equipos de Galicia.
OS RESULTADOS FORON OS SEGUINTES
Categoría absoluta: Venceu Juan Carlos do Campo da Feira de Paiosaco, con Lito da APB A Laracha segundo e Óscar García de Cochiqueiros de Cerceda.
Categoría feminina: A campioa foi Lu da Lúa de Forza de Sanxenxo, con Raquel de Cochiqueiros na segunda praza e Marisa da Lúa de Forza de terceira.
Categoría infantil: Valentín de Filloas de Sangue da Coruña gañou, mentres que Kevin da APB foi segundo e Aleixo de Cochiqueiros terceiro.
Categoría de equipos: Campo da Feira foron os campións, Lúa de Forza quedaron segundos e Cochiqueiros terceiros.
CAMPIÓNS DA TEMPADA
Categoría Absoluta: 1º Xan Rodiño (Lúa de Forza), 2º Xosé Collazo (Campo da Feira) e 3º Juan Carlos (Campo da Feira).
Categoría feminina: 1ª Mercedes (Campo da Feira), 2ª Delia (Chaínzos Cadaval de Castro de Rei) e 3ª Silvia (Cochiqueiros).
Equipos: 1º Campo da Feira, 2º APB e 3º Filloas de Sangue.
Infantil: 1º Abel (Campo da Feira), 2º Kevin (APB) e 3º Óscar García (Cochiqueiros).
Varados: 1º Juan Carlos (Campo da Feira), 2º Xosé Collazo (Campo da Feira) e 3º Xan Rodiño (Lúa de Forza).