Eirís acolleu a sétima xornada da liga Atlántica de Billarda que nun principio ía celebrarse en Carballo e por motivos da pandemia, finalmente disputouse no campo de Eirís (A Coruña).
Os resultados da sétima xornada foron os seguintes:
Categoría Absoluta: O campión da xornada foi José Gándara de Filloas de Sangue da Coruña, con Charli Varela do Campo da Feira de Paiosaco na segunda posición e Xulio Ponte, tamén do Campo da Feira, na terceira praza.
Categoría Feminina: A primeira posición foi para Raquel de Cochiqueiros de Cerceda, seguida por Isa do Campo da Feira e na terceira posición Sonia, tamén do equipo Cochiqueiros.
Categoría Infantil: O equipo APB da Laracha dominou nesta categoría con Kevin como campión e Roy como subcampión, sendo Ancor do Filloas de Sangue o terceiro clasificado.
Categoría Equipos: O equipo vencedor da xornada foi Filloas de Sangue, seguido polo Campo da Feira na segunda praza e Chaínzos Cadaval de Castro de Rei como terceiros.
A oitava xornada da liga Atlántica de Billarda Conferencia Noroeste disputarase o 23 de Xaneiro en Sada.
