As filas do Fisober presentaron esta tempada a unha das súas grandes fichaxes como é Carla Lago Fernández (Muros, 2010), unha xogadora rápida, con regate e bo toque de balón que se desenvolve na posición de á.
A muradá compaxina o fútbol sala co fútbol campo no Dumbría, club polo que fichou este verán tras formarse en Os Miudos e posteriormente xogar no equipo santiagués do Victoria a pasada tempada.
A que xogadora che gustaría parecerche e que admiras dela?
Unha xogadora á que admirei desde a primeira vez que a vin xogar é Paula Fandiño. Sempre gocei moito do seu fútbol e afortunadamente esta tempada teño o privilexio de vela máis de preto e de compartir vestiario con ela. Nos compenetramos moi ben no medio campo e aparte de ser unha futbolista incrible, é mellor aínda como persoa.
Que metas te puxeches esta tempada?
En futbol sala, como meta individual, é aprender algo de táctica e mellorar a técnica, axudar ao equipo e ir sumando minutos. Colectivamente, como creo que todas queren, é salvar a categoría e manter ao grupo e o ambiente que hai. En fútbol, individualmente, adaptarme á maneira de xogar, á formación e ás compañeiras, tamén aprender o máximo posible, e colectivamente ao principio de tempada o obxectivo era salvarnos, pero vendo o ben que o estamos facendo, creo que podemos aspirar a moito máis, pero sen presión, porque creo que o máis importante é gozar do fútbol.
Que é o máis difícil de competir a este nivel e como o enfrontas?
O máis difícil de competir nestas ligas son os desprazamentos e organizar as fins de semana, entre estudos e horarios de partidos.
Foto: fotofuentes
