Carlos Vicente Robles, coñecido futbolisticamente como Carlos Vicente, chegou no verán como terceiro reforzo do Racing tras as fichaxes do defensa Tomás Bourdal e do dianteiro Manu Justo.
É irmán xemelgo do tamén xogador de fútbol David Vicente, que actualmente forma parte do CD Mirandés como lateral dereito.
O maño formouse nas categorías inferiores do Real Zaragoza, recalando no Deportivo Aragón durante dúas tempadas e posteriormente en clubs como o Nàstic de Tarragona, SD Ejea e CD Calahorra, logrando neste último equipo once goles e catro asistencias, ata finalmente recalar nas filas racinguistas, sendo un dos fixos de Cristóbal Parralo.
É un xogador moi rápido e con gran desborde, buscando sempre o un contra un ou gañar as costas aos defensores. Ademais diso, ten gran visión de xogo e precisión, debido a que é o xogador que máis asistencias repartiu ata a data, cun total de nove. Outra virtude é a súa facilidade para a portería, superado en goles só por Manu Justo que leva dez tantos, mentres que Carlos Vicente suma seis goles, o último o logrou na pasada xornada ante o Sanse.
DATOS
Nome: Carlos Vicente Robles
Idade: 24 (23/04/1999)
Lugar de nacemento: Zaragoza
Estatura: 1,77 m
Dorsal: 23
Demarcación: Extremo
Perna predominante: Dereita
TEMPADA 2022/23
Partidos xogados: 34
Goles: 6
Asistencias: 9
Minutos: 2751
Tarxetas: 2 amarelas
TRAXECTORIA
2017/18: Xuvenil do Real Zaragoza
2018/20: Deportivo Aragón
2020/21: Nàstic de Tarragona
2020/21: SD Ejea
2021/22: CD Calahorra
2022/23: Racing de Ferrol
