Os nadadores infantís, Noa Ferreiro (2011) e Carlos Casal (2010), o júnior Anxo Fuentefría (2009) e o adestrador Héctor García, veñen de ser convocados pola Federación Galega de Natación para participar co combinado que representará a Galicia no XIII Campionato de España de Natación por Federacións Autonómicas Infantís e Juniors.
Torneo que se disputa os días 14, 15 e 16 de febreiro nas piscinas municipais de Son Hugo en Palma de Mallorca e no que tomarán parte 18 comunidades autónomas e 494 nadadores.
Outra das convocadas é a nadadora alevín Carla Giance (2012), que acode coa FEGAN ao XI Campionato de España de Natación por Federacións Autononómicas en Idade Escolar. Desta volta Carla viaxará a Valladolid para participar do 21 ao 23 de febreiro no torneo estatal que reúne na piscina municipal de Parquesol a 18 federacións e 383 nadadores e nadadoras.
Info e fotos: AD Fogar
