COPA DA COSTA: A SD Esteirana e a SD Fisterra disputarán a final

A LVII Copa da Costa chegou ao seu punto culminante coa disputa o próximo domingo da final entre a SD Esteirana, campión de Segunda da Costa, e a SD Fisterra, conxunto de Preferente Galicia. Ambos os equipos chegan despois de caer no camiño varios dos claros candidatos a estar nese último encontro.

Un total de 36 equipos comezaron esta edición da tempada 2021-2022, nun torneo que volve ao panorama despois de dous anos sen celebrarse pola pandemia do COVID-19. As sorpresas, no seu momento, foron a eliminación do Xallas (Preferente Galicia), na rolda de dezaseisavos de final; así como Corme CF (Primeira Galicia), Dumbría CF (Primeira Galicia), Puenteceso SD (Primeira Galicia), Mazaricos CF (Primeira Galicia) e CD Baio (Primeira Galicia), en oitavos de final.

INCIDENCIA EN LOURO
O aliciente de disputar a eliminatoria a un partido e no campo de menor categoría deu un plus para as sorpresas, e, salvo poucas excepcións, os marcadores foron moi axustados, o que indica que a igualdade foi a tónica predominante. A única incidencia ao longo do torneo foi a vivida no campo de Louro entre a UD Monte Louro e a SD Esteirana, xa que o partido do pasado día 19 tivo que suspenderse nada máis comezar por un encontronazo fortuíto entre o local Pablo Vidal e o visitante Alberto Codesido. Ambos son os capitáns dos seus respectivos conxuntos. O primeiro recibiu unha brecha na cabeza (sete puntos de sutura) e o segundo quedou conmocionado, polo que foi evacuado en ambulancia do terreo de xogo e aplicáronlle seis puntos na súa cella dereita. Ambos os equipos decidiron suspender o encontro, que se renovou o pasado día 24.

Compartir:

Share on facebook
Facebook
Share on twitter
Twitter
Share on pinterest
Pinterest
Share on linkedin
LinkedIn

Novas relacionadas

BILLARDA: 8ª xornada

A oitava xornada da Conferencia Noroeste de Billarda celebrouse no campo de fútbol municipal do Pastoriza SCD. CATEGORÍA INFANTIL: 1º Kevin (APB – A Laracha).