DAVID GÓMEZ: O porteiro saíu como xogador de campo

David saíu case ao final do encontro lucindo unha vendaxe nun dos seus dedos da man dereita, e aínda que non podía estar baixo os paus defendendo a portería, achegou todo o que puido como xogador, e como adoita ser habitual polo agarimo que lle ten a afección, con cada balón que tocaba, o público animaba sen cesar. Unha imaxe similar á do mítico porteiro e actual director deportivo da RFEF, José Francisco Molina, cando debutou coa selección española como extremo esquerdo nun amigable ante Noruega o 24 de abril de 1996 no Ullevaal Stadion.