O pasado sábado 14 de febreiro disputouse en Fene a 4ª Xornada da Liga Galicia Rías Altas, ata onde se desprazaron 50 xudocas da Agrupación Deportiva Judo Ferrolterra, nas diferentes categorías desde benxamín ata sénior.
Na categoría benxamín acadáronse 9 medallas (2 ouros, 2 pratas e 5 bronces). Iago Rubianes e Carla Salvador proclamáronse campións; Paula Estraviz e Enzo Pérez conseguiron a prata; e os bronces foron para Marco Pérez, Martín Vila, Álex Pérez, Isabella Cidoncha e Victoria Díaz.
Na categoría alevín obtivéronse 5 medallas (2 ouros, 1 prata e 2 bronces). José Cancio e José Luís García foron campións; Adrián Lage acadou a prata; e os bronces foron para Xan Viñas, Alberto Troncoso e Aina Siso.
Pola súa banda, os infantís, que remataron primeiros por equipos, lograron tamén 6 medallas (5 ouros e 1 bronce). Alba Bollo, Xeila Herrera, Julio Freire, Iago Miño e Xabier Allegue proclamáronse campións. O bronce foi para Ary Rodríguez.
Na categoría cadete, Iria Martínez foi ouro, mentres que Amelia Tenreiro e Lucía Soto conseguiron a prata.
O equipo sénior mixto disputou dous encontros, perdendo o primeiro fronte ao Judo Club Arteixo e gañando o combate polo bronce contra Terras de Santiago. O equipo estivo formado por Alba de Bernardo e Sofía Alonso na categoría feminina, e na masculina por Bruno Carrodeguas, Iago Faro, Adrián Seco, Alexandre Faro, David Herrera e Pablo López.
Como adestradores do club estiveron Alberto López “Pitu”, Alba Martínez, Alba de Bernardo, Armando Castro, Álex Castro e Mario Tenreiro; e como parte da organización, Alberto Castro.
Nesta xornada disputada en Fene participaron 480 xudocas de toda Galicia e un club de Castela e León.
Info e foto: Judo Ferrolterra
