O pasado domingo 15 de febreiro, no Pavillón da Xunqueira de Fene, pasaron polo Tatami 120 judocas, desde cinto branco a laranxa, para demostrar as súas habilidades técnicas fronte aos seus mestres e profesores e poder así cambiar de grao.
Judocas de toda a comarca, pertencentes aos clubs Agrupación Deportiva Judo Ferrolterra e Escola Judo Fene, foron examinados recibindo o seu novo cinto, así como un diploma acreditativo e o carné do seu novo grao.
Os exames estiveron coordinados polos mestres de ambos os clubs, Alberto Castro e Alba González de Bernardo, quen comprobou a evolución dos máis novos do club provenientes de Valdoviño, Fene, Narón, Ferrol, Cabanas, Pontedeume, Miño, Teixeiro e Bertamiráns.
Como profesores participaron Alberto López “Pitu”, Alex Castro, Armando Castro, Alba Martínez, Carlos Javier Ares, Bruno Carrodeguas, Pablo López, Carlos Botana, Miguel Portela e axudante Lucía Soto.
Info e foto: Judo Ferrolterra
