Sergio Prego Cancela, «Doro», escribiu esta campaña outra páxina na historia do fútbol da Costa.
Agora, nas filas do Xallas FC, logrou fronte ao Estudantil marcar un dos goles (0-2) e desa forma logra algo que nunca chegou a pensar. Así, o capitán xalleiro conseguiu que nas 30 tempadas seguidas que leva xogando, marcou sempre. E iso faio desde que comezou a xogar de cadete federado nas filas da SD Castriz. Un fito que moi poucos futbolistas poderán presumir, marcar sempre cada tempada que salta ao terreo de xogo. E perpetúase no capitán do Xallas desde aquel xa afastado ano 1992 en que fixo o seu debut. No seu zurrón, o xogador de Bazar ten sete Copas da Costa, cinco ascensos, así como dous títulos de liga xuvenil.
