O Escola Lubiáns asumiu o reto de debutar na OK Liga Bronce de hóckey sobre patíns de forma espectacular. Fíxoo en casa e ante un dos chamados fanfurriñeiros da categoría, o Oviedo Roller HC.
A xornada histórica non se puido pechar de mellor forma, unha vitoria despois dun partido de infarto (5-4). Con dous claros protagonistas, o meta Diego e o dianteiro Mikel, marcou catro tantos. Tamén tiveron a súa importancia o número alto de afeccionados que se deron cita nas bancadas do pavillón Carballo Calero.
Esa primeira toma de contacto co grupo norte revestía moito risco, xa que comezar perdendo na casa podería ser un risco para o colectivo de Jorge Lamas, Cholo, o adestrador carballés. Despois, na segunda xornada visitouse ao RC Jolaseta, en Neguri (Getxo), cun resultado de 2-6. Na próxima xornada, os carballeses descansarán e na seguinte visitar ao Oviedo Booling Club.
Antes de afrontar a liga, o Escola Lubiáns disputou unha pretemporada na que xogou cinco encontros, cun balance de dúas vitorias (Compañía de María, 4-2, e Gijón Hóckey, en penaltis tras unha igualada 2-2), un empate (CH Compostela, 3-3) e dúas derrotas (Compañía de María, 4-3, e Patinalón, 2-4).
Nesa pretemporada destacou, e de que forma, o dianteiro catalán Eudald Cañete, ao ser o autor de 7 dos 14 tantos do equipo. Tamén asumiu o seu protagonismo Mikel, con 2 dianas; Chipi, 2, e unha de Steven, Fabián e Marcos.
O persoal de 14 xogadores é suficiente para Cholo, pero ante a positiva resposta pode, dalgunha forma, sorprender ao adestrador, xa que era da intención de que “somos un equipo con moitas novidades, que necesitan tempo para irse coñecendo e adaptándose uns a outros”. O equipo comeza a ilusionar, pero o persoal e Cholo queren ter os patíns no chan e ir partido a partido. O que está marcado no libro de roteiro é evitar quedar entre os catro últimos clasificados, que supoñerá o descenso. A xunta directiva está a realizar un gran esforzo e propúxose afrontar da mellor forma posible este novo reto na historia dun club que comezou a competir na campaña 1983-1984.
HOMENAXE A FABIÁN
O que está claro é que a presenza do Escola Lubiáns por primeira vez na súa historia na OK Liga Bronce é unha gran homenaxe ao capitán carballés Fabián Suárez, que leva aos seus 43 anos máis de 30 tempadas nas filas do equipo. Se Fabián é o espello de todos os seus compañeiros, por compromiso e saber esta nas boas e nas malas, tampouco hai que esquecer ao meta larachés Javi, que acomete a súa campaña número 12 ou a Manu Ruibal e Marcos Martínez, que é a décima.
FICHAXES CRAVES
Este bo comezo de tempada ten boa culpa no acerto nas fichaxes realizadas, aínda que son rapaces moi novos, teñen moito hóckey nos seus patíns.
O meta Diego García (Hóckey Club Liceo) é un seguro de vida baixo os paus, como o vén demostrando cada encontro que disputa, xa desde a pretemporada. O medio Steven Novo (HC Liceo) polas súas sementes en cada cita da competición. O polivalente Mikel Abeal, que está chamado a ser un dos grandes referentes do equipo esta campaña e así xa exhibiu os seus dotes ata o momento. Finalmente quedan os dianteiros Hugo Mosquera e Eudald Cañete. O primeiro estivo lastrado polas lesións neste arranque, pero espérase que a súa achega sexa destacada e, finalmente, o catalán, que está chamado a ser outro dos claros referentes da formación carballesa.
