FISOBER FSF: Realizou unha gran tempada na Preferente Galicia

Fran Toba conseguiu traer a ex-xogadoras do Fisober FSF, como foron Patri Romaní e Barca Toba. Elas achegaron un plus importante no cadro de persoal da Costa da Morte e, desde que comezou a tempada, o equipo sempre estivo nos postos nobres da clasificación. As seis primeiras xornadas na terceira praza, e despois sempre na segunda, e mesmo nas tres primeiras xornadas da segunda volta ocupando o liderado da clasificación.

O equipo, que foi subcampión, pechou a tempada gañando ante As Burgas (3-1), rematando a liga con 24 vitorias, 2 empates e 3 derrotas. Marcou 111 goles, repartidos entre Paula (29 tantos), Patri (26), Barca (14), Adriana (13) e Ana (8), e encaixou 51.