Naroa Parga, xogadora do Corme CF, recibiu o trofeo organizado por Bisbarra en xogo e patrocinado por Cervecería D´Mara, á máxima goleadora dos equipos da Costa de Segunda División Galega Feminina tras sumar 45 goles na liga regular.
Naroa recibiu o premio da man do máximo goleador do Corme CF, Alejo Cambón, e do director da revista, José Pena, nun acto celebrado no campo municipal O Cairo tras rematar o encontro correspondente á segunda fase do campionato na que as de Rubén Souto derrotaron ao SD O Pino por 2-0.
