Os de Cristóbal Parralo proclamáronse campións do grupo I de Primeira Federación e ascenden a Segunda despois de quince anos tras vencer no derbi galego ante o Celta B por 2-0 cun dobrete de Jardí.
Que bonito son os ascensos, e máis aínda cando se deciden na última xornada e cun derbi galego no que ambos os conxuntos xogábanse todo: o Racing o ascenso directo e o Celta B a promoción. O Racing lideraba a Primeira Federación e unha vitoria daría o ascenso directo a Segunda División. No caso de que os ferroláns empatasen ou perdesen, dependerían do que acontecese no encontro entre o Alcorcón e o Sanse. Así, baixo un ambiente espectacular nunha Malata completamente enche apoiando sen parar, o Racing buscou esa ansiada vitoria.
Na primeira parte o Racing impuxo o seu xogo, dominando o encontro con moita profundidade polas bandas de Héber e Carlos Vicente, buscando a mobilidade e desmárquelos de Manu Justo e acompañados coas chegadas desde segunda liña de Chacón, Álex López e Manzanara. Os ferroláns levaban a iniciativa, pero aínda así, non lograban poñer en apertos a portería defendida por Ruly. Cos oídos postos na radio e as miradas nos teléfonos, os nervios apoderábanse do estadio ferrolán cando o Alcorcón adiantábase nos primeiros vinte minutos, o que obrigaba ao Racing a vencer, e, ademais, o Linares tamén se adiantaba e este resultado deixaba fóra de promoción de ascenso ao filial vigués.
Cun empate sen goles, os dous conxuntos galegos marcharíanse aos vestiarios e o Racing tería que demostrar na segunda parte que sabe lidar coa presión como bo equipo campión que é e que ademais contarían co xogador número doce conformado por un público completamente entregado ao seu equipo.
Coa segunda parte en marcha, o Racing daba un paso adiante e comezaba a rozar o gol, poñendo a proba a Ruly e con accións perigosas nas botas dos xogadores racinguistas. Aínda que o resultado seguía sen moverse, o estadio empezaba a cheirarse o gol e puido chegar antes do previsto nun córner que cabeceaba Jon e posteriormente remataba Héber, pero o colexiado anulaba o gol por fóra de xogo do propio Héber.
Con pouco máis de quince minutos regulamentarios por xogarse, o Celta quedaría cun home menos tras a expulsión de Iván López ao ver a segunda amarela e o Racing lanzaríase ao ataque con todo. Sente minutos despois, chegaría o primeiro tanto racinguista nun gran balón que filtra Luís Chacón entre os defensores para Carlos Vicente e o maño pasábaa ao segundo pau por onde entraba Jaume Jardí, que acababa de entrar ao campo facía pouco, para enviar o balón ao fondo da portería e traer a tolemia ao estadio racinguista.
O conxunto ferrolán seguía sen levantar o pé do acelerador e nunha acción similar ao primeiro tanto, chegaría o segundo gol dos de Parralo e segundo na conta particular de Jardí. Carlos Vicente internaba pola banda, picaba o balón ao segundo pau e Jardí sentenciaba o encontro a falta dun minuto para entrar no tempo de engadido.
Co asubío final, todo foi alegría. O Racing gañábase o ascenso a Segunda despois de quince anos e tras realizar unha tempada practicamente perfecta, cun grupo moi sólido e unido, con moito traballo detrás, calidade, que sempre creron no ascenso e cun público que xamais deu as costas ao seu equipo cando máis o necesitaba. Tamén destacar que os nosos veciños vigueses finalmente disputarán a promoción de ascenso.
RESULTADO: Racing 2-0 RC Celta B
RACING CLUB FERROL: Gazzaniga, Brais Martínez, Jon García, David Castro, Enol Coto (Manel Martínez 76′), Fran Manzanara, Álex López (Bernal 65′), Luis Chacón (Bourdal 81′), Héber Pena (Jardí 65′), Carlos Vicente e Manu Justo.
RC CELTA B: Ruly, Carrique, Domínguez, Iván, Hugo Sotelo, San Bartolomé (Gael Alonso 76′), Barcia, Blanco (Durán 76′), Hugo Álvarez (Beitia 82′), Iker (Montes 82′) e Lauti (Manu 59′).
GOLES: 1-0 Jaume Jardí (79′) e 2-0 Jaume Jardí (89′).
ÁRBITROS: Gorka Etayo Herrera como principal, Iragartze Fernández Esesumaga e Yuval Conde Pérez como asistentes e Martín Carlos Agudo Daza como cuarto.
TARXETAS: Amoestaron ao local Jon (75′) e expulsou por dobre cartón a Iván López (66′ e 72′).
INCIDENCIAS: Partido correspondente á 38ª xornada da Primera Federación disputada no estadio A Malata cunha asistencia de 11000 afeccionados.
