O Baxi Ferrol chegou a un acordo coa xogadora Jori Davis para que milite no persoal da entidade departamental a próxima tempada.
A americana, con pasaporte de Camerún, ten 35 anos e mide 1.75 metros, e canta cunha ampla experiencia, xa que xogou en varos países, Israel, Rumania, Suíza, Italia, Grecia, Nova Zelandia, Francia, ademais de España, onde militou nas filas do Valencia Basket, Idk e na segunda volta da pasada tempada no Gran Canaria, no que promedió 8,2 puntos, 5,1 rebotes e 4,2 asistencias.
Jori é unha xogadora que pode desenvolverse en diferentes posicións da cancha e que destaca por ser unha gran competidora tanto en defensa como en ataque. O adestrador do cadro ferrolán, Lino López, destaca sobre a xogadora que “Jori é unha xogadora exterior, que ten experiencia na liga española e nas mellores ligas de Europa e, sen dúbida, vai achegar esa experiencia nun equipo novo, con moitas xogadoras rookies”. O preparador engade que “a nivel de xogo é unha xogadora que, polo seu físico, axuda no rebote, pode defender a exteriores e interiores e en ataque é capaz de xerar vantaxes ao poste baixo. Ten boas lecturas de xogo e capacidade para asistir e, sobre todo, é unha xogadora de equipo, que sempre busca o mellor para o colectivo, que sempre busca sumar e que seguro que vai axudar ao equipo”.
Desta forma, coa chegada de Jori Davis, o equipo dispón de once xogadoras tras anunciar a continuidade de Ángela Mataix, Julie Pospisilova e Gala Mestres e as fichaxes de Carlota Menéndez, Moira Joiner, Noa Morro, Blanca Millán, Alba Sánchez-Ramos, Mimi Collins e Claire Melia
CAMPAÑA DE ABONADOS
Continúa a campaña de abonado para a próxima campaña. Superados os 1250 abonados, o club hase marcador como meta superar os 1600 para unha campaña na que vai xogar a liga Endesa e a Eurocup. Todas as persoas interesadas poden pasarse pola Taberna Arauxa, no Cantón de Molíns 6, de martes a domingo de 12.00 a 15.00 e de 19.00 a 22.00 horas. Tamén se poden facer as xestións a través do correo electrónico abonadosuniferrol@gmail.com.
Información: Baxi Ferrol e Foto: Esther Casas
