O adestrador do equipo feminino reflexiona sobre a primeira volta e mira con optimismo cara ao futuro.
“Sabiamos que o inicio sería duro, con tempo de adaptación, pero os 9 puntos acadados dan confianza. Ademais, houbo partidos nos que merecemos máis. A achega da canteira foi crucial ante as baixas por lesión”.
Pastoriza asegura que, agora que xa coñecen mellor os rivais, poden competir con equipos como o Lóstrego, CD Lugo ou incluso o PM Friol, sempre que o equipo manteña a súa solidariedade e intensidade. “O obxectivo da permanencia está claro. Temos que dar un paso máis alá e apuntar ás posicións 13 ou 14 da táboa. Estamos no bo camiño”.
