A pasada fin de semana disputouse en Valencia a Supercopa de España Junior, onde o club AD Judo Ferrolterra desprazouse cos judocas Javier Sánchez e June Moreno.
Era a primeira competición de ambos nunha nova categoría, pasaban de Cadetes a Junior.
June Moreno, competía en -78 kg nunha liga de 5 Judocas, gañando por ippon tres dos seus catro combates, perdendo soamente con Aitana Sala de Valencia nunha decisión arbitral. Pola súa banda, Javier Sánchez, en -66 kg, perdía no seu primeiro encontro co judoca de Madrid, Daniel Martín e non tivo opción á repesca.
Cos resultados desta competición, June Moreno segue liderando a clasificación junior de Copas de España, despois de gañar en Ourense e sendo prata en Valencia.
Ambos os judocas estiveron acompañados e dirixidos polo seu adestrador Alberto Castro.
A próxima saída do club será a próxima fin de semana á Copa de España de Suances, coas categorías Infantil e Cadete.
Info e imaxes: AD Judo Ferrolterra
