A carballesa María Varela Bardanca (Carballo, 1972) foi unha das deportista pioneiras na Costa da Morte, xa que formou parte, con tan só 11 anos, do histórico club do Karbo da Coruña de fútbol e máis tarde, do non menos histórico, Sal Lence de fútbol sala (campión de España e tres Copas da Raíña).
Marcou toda unha época con varios títulos a nivel nacional. Tamén foi seleccionadora galega e antes formou parte como xogadora da selección galega e nacional. María Varela Bardanca segue vinculada ao deporte, como técnica deportiva no Concello de Malpica, posto no que leva 21 anos. É licenciada en INEF. Ela recibiu unha das distincións ao Mérito Deportivo 2022, acto que tivo lugar o pasado 5 de outubro, en Bonaval, en Santiago de Compostela, de mans do presidente da Xunta de Galicia, Alfonso Rueda Valenzuela. Galardón que considera o máis importante que recibiu ata a data. Outros equipos na traxectoria deportiva de María Bardanca foron o Meirás (99-00, 01-02 e 03-04), o Ourense (00 e 01 e 01-02), ambos en División de Honra, e Funeraria Apóstolo de Santiago (04-05), en liga galega, e colgou as botas no Aguiño de fútbol campo cando sufriu unha grave lesión.
FALA A PROTAGONISTA
A protagonista, María Bardanca, comentou: ”Moi agradecida por recibir un recoñecemento tan especial e importante para min como deportista galega” e recalcou: “Dedicalo, loxicamente, á miña familia, porque, sen lugar a dúbidas, son a que son grazas a ela”, aínda que, para finalizar, matizou: “Pero especialmente ás miñas compañeiras e persoas vinculadas ao mítico Sal Lence que, sen dúbida, marcou un punto de inflexión no fútbol sala feminino tanto a nivel galego como nacional”.
Compartir:
Novas relacionadas

BILLARDA: Aberto Moncho Valcarce
No lugar de Pontoxo, ao carón da igrexa románica de San Román das Encrobas e preto do monumento a Moncho Valcarce, sucedeu un ano máis

TROFEOS BISBARRA EN XOGO: Resumo de xaneiro 2023
Actualización do mes de xaneiro dos trofeos de Bisbarra en xogo: MÁXIMA GOLEADORA DE PRIMEIRA DIVISIÓN GALEGA FEMININA ARZÚA – ULLOA DOP (Equipos de Ferrolterra)

RACING CLUB FERROL: Cede un empate nos minutos finais
O Racing non logra superar a un combativo Ceuta e cede un empate en casa co resultado de 1-1. Comezou mandando o Racing e no

FISOBER FSF: Está a realizar a mellor tempada na súa historia
O Fisober está a callar unha tempada de tal nivel, que, de seguir así, será a mellor na historia do club. Fran Toba, o adestrador,

BILLARDA: 8ª xornada
A oitava xornada da Conferencia Noroeste de Billarda celebrouse no campo de fútbol municipal do Pastoriza SCD. CATEGORÍA INFANTIL: 1º Kevin (APB – A Laracha).
© Copyright 2021. BISBARRA EN XOGO | Desarrollado por Creatigal