O PARRULO FERROL: Terceira vitoria en casa

O Parrulo logrou a terceira vitoria en casa ao vencer por 5-2 nun gran partido ao Caja Rural Atlético Benavente.

O Pavillón A Malata acolleu un partido intenso entre ambos os conxuntos en busca da vitoria, que finalmente caería do lado local. Despois duns minutos no que os dous conxuntos avisaron con achegamentos ás porterías, os ferroláns golpearían primeiro por medio de Wilson Francia (12′) tras unha gran xogada persoal de Pedro. Tras o gol, os locais ampliarían a vantaxe cunha boa xogada entre Domingos e Kevin Chis na que Pedro (13′) poñería o 2-0 no marcador.

Nos instantes finais do primeiro tempo, os visitantes recortarían a distancia nun saque de falta que Charliente (19′) empuxaría a gol, pero O Parrulo volvería a marcar por medio de Adri (19′) a falta de poucos segundos para chegar ao descanso, deixando o resultado de 3-1 a favor dos locais.

Tras o descanso, os visitantes, con porteiro-xogador, buscaban o segundo tanto e os locais amenazaban con ampliar a vantaxe. Así, Rubén Orzáez (29′) roubaría un balón e marcaría o cuarto para os ferroláns tras disparar desde media pista.

O Benavente reduciría a distancia por medio de Preciado (31′) cun bo remate axustado, deixando o marcador en 4-2. O propio Preciado sería expulsado no minuto 33 tras parar un balón coa man e finalmente Iván Rumbo (36′) poñería o definitivo 5-2 no electrónico.

RESULTADO: O Parrulo Ferrol 5-2 Caja Rural Atlético Benavente.

O PARRULO FERROL: Coro, Iván Rumbo, Charly, Hélder e Adri; tamén xogaron Wilson Francia, Pedro, Kevin Chis, Rubén Orzáez e Domingos.

CAJA RURAL ATLÉTICO BENAVENTE: Imanol CH. D, We Casas, Charliente, Preciado, Domi; tamén xogaron Brian NM, Josema, Guille, Malaguti, Novoa, Dani Simón e Dani Colorado.

GOLES: 1-0 Wilson Francia (12′), 2-0 Pedro (13′), 2-1 Charliente (19′), 3-1 Adri (19′), 4-1 Rubén Orzáez (29′), 4-2 Preciado (31′) e 5-2 Iván Rumbo (36′).

ÁRBITROS: Ignacio Del Olmo e David Fernández (Comité de Madrid). Amonestaron ao local Pedro e aos visitantes Brian NM, Charliente, Josema, Dani Colorado e Malaguti. Expulsaron ao xogador visitante Preciado con vermella directa.

INCIDENCIAS: O Pavillón A Malata acolleu a 5ª xornada da 2ª Federación Futsal 2022/23.

Compartir:

Share on facebook
Facebook
Share on twitter
Twitter
Share on pinterest
Pinterest
Share on linkedin
LinkedIn

Novas relacionadas

BILLARDA: 8ª xornada

A oitava xornada da Conferencia Noroeste de Billarda celebrouse no campo de fútbol municipal do Pastoriza SCD. CATEGORÍA INFANTIL: 1º Kevin (APB – A Laracha).