O pavillón Campo da Serra acollerá este sábado o XIV Torneo de Voleibol Cidade de Narón

O edil de Deportes, Ibán Santalla, e a presidenta do Club de Voleibol Narón Volea, Eva Romero, presentaron o XIV Torneo de Voleibol Cidade de Narón.

A cita terá lugar, tal e como avanzou Santalla, este sábado día 23 no pavillón Campo da Serra, dando comezo os partidos ás 9:00 horas e estando prevista a entrega de trofeos para as 21.00 horas.

Preto de 300 nenas e nenos das categorías de prebenxamín a infantil –de entre 6 e 11 anos- procedentes dos clubs de voleibol Narón Volea, Emevé Lugo, Calasancias, Oleiros e San Ciprián participarán neste torneo, organizado polo Concello en colaboración co Club de Voleibol Narón Volea e a Deputación da Coruña.

Dende a organización animouse ás veciñas e veciños da cidade a achegarse o sábado ao pavillón Campo da Serra para desfutar deste torneo, no que participarán uns 300 deportistas, e animar ás nenas e nenos que xogarán os diferentes partidos. A entrada a este evento é de balde.

Foto: Concello de Narón

Compartir:

Facebook
Twitter
Pinterest
LinkedIn

Novas relacionadas

O Parrulo non pode co líder

Os ferroláns, tras un gran primeiro tempo, terminaron cedendo no segundo tempo ante a gran efectividade do líder UMA Antequera na 22ª xornada da Segunda