RACING CLUB FERROL: Segunda vitoria consecutiva e gran partido dos de Parralo

Un bo Racing suma os tres puntos e conquista a segunda vitoria consecutiva tras superar ao Linares Deportivo por 2-0.

O Racing comezou o partido con dominio do balón, tratando de abrir á defensa rival e lograr espazos para xerar oportunidades, aínda que o Linares xuntaba ben as liñas e non permitía aos locais chegar con perigo.

No minuto 18’ a cousa cambiaría cun bo pase ao espazo para Carlos Vicente, que tras unha boa xogada individual, pasaba o balón atrás onde primeiro Manzanara dispara, rexeitaba Ernestas e Joselu remataba a gol para poñer ao Racing por diante. Este gol cambiaba o partido, pois o Racing volvía a chegar con perigo no 19’ cunha dobre ocasión de Luis Chacón e Joselu, pero o balón marchaba alto.

No 33’, o Racing estivo cerca do 2-0 cunha boa condución de Luis Chacón, que filtrou un pase para Héber e a defensa rival cortou o balón cando chegaban Joselu e Carlos Vicente ao remate.

Co 1-0 chegamos ao descanso, cun Racing que non pasou perigo nos primeiros 45 minutos e xerou ocasións e bo xogo.

Na segunda metade os minutos pasaban sen ocasións claras para ambos os dous equipos, aínda que o Racing levaba a iniciativa.

Luis Chacón tivo unha boa ocasión cun lanzamento de falta no 58’ que marchou por encima da portería por moi pouco.

O Racing buscaba o segundo e o encontro no 69’ tras un lanzamento de esquina que remataba Quique Forno para poñer aos ferroláns con dous de vantaxe.

O propio Fornos estivo preto de anotar o terceiro do Racing tras un saque de falta que remataba de cabeza fóra por moi pouco.

O marcador non moveríase máis e o Racing sumaría os tres puntos ante un dos rivais que están a loitar por postos de ascensos, sumando a segunda vitoria consecutiva.

RESULTADO: 2-0

RACING CLUB FERROL: Gazzaniga, Bourdal, Pascual, Fornos, Bernal, Héber (Jardí 55’), Luis Chacón (Padilla 69’), Manzanara (Álex López 87’), Brais, Carlos Vicente (Del Pozo 69’) e Joselu (Manu Justo 69’).

LINARES DEPORTIVO: Ernestas, Iván, Lolo González, Hugo Díaz (Alfonso 60’), Fran (Fermín 60’), Samu Corral, Javi Duarte (Viaña 60’), Caro (Cañete 76’), Aitor, Fran Callejón (Rodri 76’) e Sancrís.

GOLES: 1-0 Joselu (18’) e 2-0 Quique Fornos (69’).

ÁRBITROS: Francisco García Riesgo, os asistentes Pelayo Buergo González e Javier Gómez Gago e de cuarto árbitro Juan Luis Dávila Fernández.

AMOESTACIÓNS: Amarelas aos locais Bernal (24’), Manzanara (66’) e vermella ao delegado de campo Míchel Feal (81’) e amoestado o visitante Iván (86’).

INCIDENCIAS: A Malata acolleu a 3000 espectadores na 15ª xornada da Primeira Federación onde se gardou un minuto de silencio en memoria da racinguista Josefa López García, «Doña Fina».

Compartir:

Share on facebook
Facebook
Share on twitter
Twitter
Share on pinterest
Pinterest
Share on linkedin
LinkedIn

Novas relacionadas

BILLARDA: 8ª xornada

A oitava xornada da Conferencia Noroeste de Billarda celebrouse no campo de fútbol municipal do Pastoriza SCD. CATEGORÍA INFANTIL: 1º Kevin (APB – A Laracha).