TROFEO CONCELLO DA LARACHA : Participarán a UD Paiosaco, o Laracha CF e o Club do Mar de Caión

O Laracha CF, a UD Paiosaco e o Club do Mar de Caión disputarán o Trofeo Concello da Laracha de fútbol que celebrarase o sábado 4 de setembro no Campo Municipal da Laracha.

O sábado 4 de setembro disputarase unha nova edición do trofeo de fútbol “Concello da Laracha”, unha cita tradicional do verán no termo municipal e da pretemporada para os clubs federados que regresa despois de que non puidese celebrarse o ano pasado.

Do mesmo xeito que nas edicións anteriores, o torneo terá un formato triangular e contará coa participación dos equipos sénior dos tres clubs de fútbol federados que existen no Concello: Laracha CF, UD Paiosaco e Club do Mar de Caión.

Tras a reunión mantida entre representantes do Concello e os presidentes das tres entidades, foi consensuado o regulamento da competición e os horarios dos tres encontros de 45 minutos de duración cada un, que quedan fixados do seguinte modo:

  • 18:00 h: Club do Mar de Caión – Laracha C.F.
  • 19:00 h: U.D. Paiosaco – Club do Mar de Caión
  • 20:00 h: Laracha C.F. – U.D. Paiosaco

 

A entrada para o público será gratuíta, pero requiríndose aos asistentes achegar os seus datos persoais cubrindo o formulario que está dispoñible na web municipal (www.alaracha.gal), así como usar a máscara facial durante a súa presenza no Campo Municipal da Laracha.

Foto e fonte: Concello da Laracha

Compartir:

Share on facebook
Facebook
Share on twitter
Twitter
Share on pinterest
Pinterest
Share on linkedin
LinkedIn

Novas relacionadas

BILLARDA: 8ª xornada

A oitava xornada da Conferencia Noroeste de Billarda celebrouse no campo de fútbol municipal do Pastoriza SCD. CATEGORÍA INFANTIL: 1º Kevin (APB – A Laracha).