O deportista carballés de apnea analizou o que leva de tempada e os tres campionatos autonómicos que ten por diante.
«Desde fai xa varios anos levo acudindo a campeonatos autonómicos para formar parte da miña pretemporada de adestramento e así verificar se foron bos, regulares, se hai detalles que correxir e tamén afacer ao corpo e mente a estar baixo a esixencia de sentir nervios ou incomodidades por estar competindo, xa que non é o mesmo estar adestrando e facer boas marcas, que estar en competición, onde as veces os nervios e o descoñecemento poden xogar malas pasadas.»
«Pois ben, a estas alturas da miña pretemporada levo xa dous campionatos autonómicos feitos e exitosos acadando en ambos a medalla de ouro na disciplina de Apnea Dinámica con monoaleta. En ambas as competicións a marca que obtiven foi de 176 metros mergullado cunha soa bocanada de aire. Este último campionato resultoume un pouco difícil debido a que as condicións da piscina non eran as que eu cría e ás que eu non estou afeito a adestrar, co cal o mergullo fixóseme duro, pero aínda así logrei insistir e ir a por a primeira posición.»
