Markel Muñoz Heras (Bilbao, 2007) afronta unha etapa no Escola Lubiáns, ao que chegou este verán tras tres tempadas no Liceo.
Deu os seus primeiros pasos no Colexio Urdaneta e logo no Gatikako Iusturi. Destaca pola súa habilidade técnica, capaz de superar rivais en espazos reducidos, pola súa visión de xogo, e pola madurez no xogo a pesar da súa xuventude.
Que foi o que máis che convenceu para fichar polo Lubiáns?
Sobre todo, chamoume a atención o proxecto. Gustábame a idea de dar un paso máis respecto ao ano pasado, subir unha categoría e afrontar o reto de xogar na OK Liga Prata. Para min é subir un chanzo e creo que era un reto que me motivaba moito e que me parecía moi interesante para seguir medrando como xogador.
Que che parece o ambiente do vestiario?
A verdade é que é unha marabilla. Somos cinco incorporacións e, ademais, somos todos bastante novos, así que creo que iso axudou moito a crear un grupo novo desde o principio. No meu caso, a pesar de ser o máis novo dos fichaxes, sentinme moi integrado desde o primeiro día. Todos me acolleron moi ben e hai moi bo ambiente dentro do vestiario, que creo que é algo importantísimo para afrontar unha tempada así de esixente.
Como ves o equipo para competir na OK Liga Prata?
Creo que o obxectivo máis realista é conseguir manternos na categoría. Somos un cadro de xogadores moi novo, pero precisamente iso tamén nos dá moita marxe de mellora. Somos xogadores con moitas ganas de competir e de medrar, e creo que temos moito que dar ao longo da tempada. Se conseguimos manter esta liña e imos mellorando co paso dos partidos, creo que podemos facer unha boa tempada.
Foto: fotoschimpi
