Un dos referentes do Sofán é o seu extremo dereito e capitán, Alexandre Mallo Varela (Basilea – Suiza, 1991), un líder dentro e fóra do campo, un xogador que todo adestrador quere no seu equipo pola súa rebosante calidade, desborde no un contra un e intensidade no xogo.
Alexandre comezou a súa carreira futbolística no seu país natal, Suiza, xogando para o Allschwil, militando posteriormente en equipos como o Bergantiños, Xallas e Laracha, ata recalar no conxunto sofanista, club no que leva oito tempadas que lle fixeron gañarse o agarimo da súa afección.
Como foron os teus inicios no mundo do fútbol?
Os meus inicios foron nun equipo de Suiza chamado FC Allschwil cuns 4 anos.
Que sentes ao defender a camiseta do Sofán durante oito anos?
A verdade é que a clave de estar estes 8 anos é o grupo que temos no vestiario, é un grupo familiar onde se comparten moitas máis cousas que só o fútbol e así é moito máis fácil.
Que opinas dos afeccionados sofanistas?
A afección do Sofán é diferente a outros equipos nos que estiven. É moito máis próxima, familiar, viven moito máis o Sofán, non son só afeccionados, son coma se fosen do club.
Que recordo marcouche máis como futbolista?
Eu creo que o momento que máis me marcou foi a falta da persoa que empezou comigo no mundo do futbol e acompañoume todos os días, que foi o meu pai, que cando faleceu pois me marcou bastante.
Como é a vida de Alexandre Mallo cando non está co balón?
Pois cando non estou co balón, estou coa miña muller e os meus dous fillos gozando cada momento que teño con eles.
TEST PERSONAL
Comida: Lasaña.
Bebida: Coca Cola.
Color: Vermello.
Película: Son máis de series, pero te diría a saga de A todo gas (risas).
Libro: “Padre rico, padre pobre”.
Afección: Fútbol e familia.
TEST COMPAÑEIROS
O máis competitivo: Somos varios. Diría que está entre Iván Parafita, Eloy e eu.
O maís rápido: Martín.
O máis bromista: Dani Becerra.
O DJ do vestiario: Pablo Parafita e Javi.
O que mellor baila: Dani Becerra.
O que mellor viste: Diría que é o que vai sempre diferente aos demás, Paulo.
Foto: Fotoschimpi
