O central Ángel Eimil Barrio (Narón, 2000) leva desde os seus oito anos ligado ao Balonmán Narón.
Analizou a actual campaña do seu equipo comentando que “a tempada foi bastante ben, empezamos sendo un equipo bastante novo con todos os rapaces que viñan de xuvenís e adaptámonos ben, incluso chegando a pelexar o chegar á Final Four, cousa que ao principio de tempada viamos moi complicado”.
O xogador naronés destaca pola súa gran faceta goleadora, estando continuamente na lista dos dez mellores artilleiros da liga, e sobre a cuestión de como mantén este gran nivel cada tempada, opinou que “fun adaptándome ao que o equipo necesitaba en cada momento, e creo que é o máis importante para tentar dar sempre o mellor”, á vez que afirmaba que o porteiro máis difícil ao que se mediu é “o do Loriga, Iván Fernández, foi dos mellores porteiros contra os que xoguei”.
Ángel Eimil concluíu destacando que o club revelación “sería o Atlántico, sendo o seu primeiro ano con equipo en senior deron un nivel altísimo”.
Foto: Sadmoody241
