CRISTIAN SANTOS INSUA: Un novo profesional do fútbol na fin do mundo

Fisterra é, dende hai décadas, un dos bastións do talento futbolístico da Costa da Morte. Berce de sonos de moitos xogadores que chegaron a ser profesionais.

O último, un veciño de San Martiño que está na primeira división alemá. Iso si, practica outro tipo de fútbol, ese que ten quaterbacks, runners e que leva por apelido: “americano”.

Ata nese tipo de fútbol, tan afastado das nosas orixes, temos triunfando a un “costeiro”. Trátase de Cristian Santos Insua (Mannheim, 1999), de avós e pais fisterráns e obrigados a emigrar a Alemaña. Xoga como Running back no Frankfurt Universe, equipo da German Football League, primeira división do país e a mellor liga de toda Europa. “Estaba buscando algo novo e aos 18 anos probei o fútbol americano. Dende o primeiro momento souben que era o meu”, di Santos, que xa practicara antes natación, tenis de mesa, breakdance ou salto acuático.

Xa é profesional, aínda que é consciente da situación real do deporte: “Non se pode vivir disto en Alemaña, aínda que gañas diñeiro. Para poder vivir del tes que irte a EEUU, pero aínda hai moita diferencia entre o noso nivel e o seu”. De todas formas, falamos dun dos deportes que máis está crecendo en Europa e España, onde xa temos liga e selección.

 

Compartir:

Share on facebook
Facebook
Share on twitter
Twitter
Share on pinterest
Pinterest
Share on linkedin
LinkedIn

Novas relacionadas

BILLARDA: 8ª xornada

A oitava xornada da Conferencia Noroeste de Billarda celebrouse no campo de fútbol municipal do Pastoriza SCD. CATEGORÍA INFANTIL: 1º Kevin (APB – A Laracha).