O Club Deportivo Miño Teixugos impúxose na Copa Galega de Promoción de Slalom celebrada no Campo de Slalom de O Couquiño esta pasada fin de semana.
O club tomiñés foi acompañado no podium polo Club Penedo de Caldelas de Tui, segundo, e o Quixós de Monforte de Lemos, terceiro. O club local, o CDM Piragüismo Dumbría, foi cuarto a dez puntos de podium.
Por outro lado, as competicións que se ían celebrar os días 13 e 14 de setembro, os Campionatos de Galicia de Slalom, foron aprazados a decembro.
A vindeira competición do CDM Piragüismo Dumbría vai ser o Campionato Galego de Promoción de Slalom, que terá lugar en Mondariz a vindeira fin de semana do 21 de setembro.
Info e foto: CDM Piragüismo Dumbría
