Esta pasada fin de semana celebrouse na piscina das Pontes de García Rodríguez o Campionato Galego de Piscina das categorías de base (alevín, infantil, cadete e xuvenil) de Salvamento e Socorrismo, organizado pola Federación Galega de Salvamento e Socorrismo, a onde o club desprazou preto de 50 deportistas.
O Club Acuático Laracha proclamouse vencedor do Campionato alevín – infantil despois de subirse ao primeiro posto do pódium en nove ocasións traendo para a casa 9 medallas de ouro, así
coma 9 pratas e 9 bronces nas probas individuais e nas probas de equipos 5 ouros, 6 pratas e 5 bronces.
Nas categorías cadete – xuvenil, o noso club fíxose coa 4ª posición da clasificación xeral, con 6 medallas de outro, 5 pratas e 6 bronces nas probas individuais e 3 ouros, 2 pratas e 3 bronces nas probas de equipos. Ademais dos pódiums, tamén conseguiron dez 4º postos e catro 5º postos.
Os resultados acadados polo club larachés nos dous Campionatos reflexan o esforzo e adicación destes deportistas, así coma a calidade de adestramento brindado polos técnicos do club.
Fotos: Club SAL
