O Club Salvamento Acuático Laracha consolídase como referente do salvamento deportivo en Galicia e España, tras os impresionantes resultados dos seus deportistas Pedro Caamaño Verdía e Shaila Rodríguez Rodríguez, previamente concentrados coa Selección Galega de Salvamento e Socorrismo no Campionato de Comunidades Autónomas celebrado este fin de semana en Pontevedra (piscina) e en Sanxenxo (Praia).
Pedro Caamaño: campión de España e récord galego
Pedro Caamaño, deportista do Club Salvamento Acuático Laracha, proclamouse campión de España nos 100 metros arrastre de manequín con aletas, logrando o mellor tempo rexistrado por un cadete en Galicia nunha piscina longa (0’56’45’):, superando así a súa propia marca aínda que os seus adestramentos habituais se realizan en piscina curta. Ademais acadou:
4º en 50 m. arrastre de manequín
9º en 200 m. supersocorrista
4º en sprint praia
En probas de relevos, Caamaño sumou:
2º en relevo sprint cadete masculino
4º en 4×25 arrastre de manequín
4º en 4×50 relevo combinado
5º en 4×50 relevo socorrista mixto
5º en salvamento con tubo de rescate masculino
Shaila Rodríguez: brillante actuación en auga e praia
Shaila Rodríguez, tamén do Club Salvamento Acuático Laracha, destacou por:
4ª en bandeiras en praia
6ª en sprint praia
10ª en 100 m. arrastre de manequín con aletas
11ª en 200 m. supersocorrista
Nos relevos, sumou estas posicións para Galicia:
2ª en 4×25 arrastre de manequín feminino
2ª en relevo sprint cadete feminino
3ª en salvamento con tubo de rescate cadete feminino
4ª en relevo tríada mixto
5ª en 4×50 relevo combinado feminino
Resultados da Selección Galega e relevancia do Club Salvamento Acuático Laracha
O papel do Club Salvamento Acuático Laracha foi clave para que a Selección Galega acadase:
2º posto en España na clasificación xeral cadete masculina
4º posto en España en cadete feminino
3º posto en España na clasificación xeral cadete.
O Club Salvamento Acuático Laracha é un club federado, activo dende 2002 e referente en salvamento e socorrismo en Galicia. Participa en competicións autonómicas e nacionais, con equipos dende categorías base ata absolutas, formando deportistas e promovendo valores de seguridade acuática e deporte inclusivo.
Estes resultados avalan o esforzo continuo no adestramento, o traballo en equipo e a capacidade competitiva do club, posicionando á Laracha no máis alto do salvamento deportivo nacional.
Fotos e info: SAL
