Non foi unha gran tempada para o CR Ares en canto ao resultado final, pero facendo balance, nada se lle pode reprochar a este gran equipo que o deu todo ata o último momento, que nunca se rendeu e que ten unha afección, que sen dúbida, lles empuxará para loitar por volver á Eusko Label Liga.
O destino decidiu que fose en terras galegas, concretamente durante a XV Bandeira Concello de Ares, onde confirmase matematicamente o seu adeus á Eusko Label Liga cunha honrosa 2ª posición na súa quenda e disputouse a XXXII Bandeira Concello de Boiro cun 11º posto na xeral.
O CR suma un total de 51 puntos na 12ª posición da xeral, a 18 puntos do Lekittarra Elecnor na 11ª posición que dá dereito a promocionar pola permanencia e a 24 puntos da 10ª posición de salvación do Itsasoko Ama-Sotera.
En canto á parte alta da clasificación, a Eusko Label Liga está moi disputada, co Bermeo Urdaibai en 1ª posición con 195 puntos, seguido polo Matrix Hondarribia no 2º posto con 192 puntos, mentres que a 3ª praza recae no Amenábar Donostiarra UR Kirolak 100 con 182 puntos.
AFECCIÓN DE 10: NUNCA ABANDONARON AO EQUIPO
Os descensos sempre son tristes e desalentadores, pero cando tes unha afección como a de Ares, que se envorcou co seu equipo nas boas e as malas, nunca hai razón para vir abaixo, ao contrario, cunha afección como a do CR Ares, sen ningunha dúbida, este equipo volverá pronto a loitar na Eusko Label Liga.
